Энэхүү бэлдмэлийг хэрэглэхээс өмнө хавсаргасан бичгийг анхааралтай уншаарай. Түүнийг уншсаны дараа хаяж болохгүй ба уг эмтэй хамт хадгал.

Жороор олгодог эм

Дислипидемийн эсрэг нийлмэл найрлагатайбэлдмэл

Стафен® бүрээс

Стафен бүрээс

(Питавастатин кальци/Фенофибрат)

[Найрлага] Бүрээс бүрд

Идэвхтэй бодис: Питавастатин кальци (дотоод) 2.0мг

Фенофибратын мөхлөг (дотоод) 241,51мг

(фенофибрат хэлбэрээр (микронжуулсан) 160мг)

Туслах бодис (Өнгөний нэмэлт): улаан № 3, хөх №1, шар № 5.

Туслах бодис (амьтны гаралтай бодис): лактозын гидрат (үхэр, сүүний гаралтай), бүрээс (үхэр, ясны гаралтай)

Бусад туслах бодис:титанийн давхар исэл, магнийн стеарат, бага орлуулсан гидроксилпропил целлюлоз, кросповидон, магнийн карбонат, тальк, повидон, полиэтиленгликоль 6000, гипромеллоза.

[Дүрслэл]

Дээд хэсэг нь цайвар ногоон, доод хэсэг нь цагаан өнгөтэй хатуу бүрээс нь цагаан өнгөтэй, дугуй хэлбэртэй хальсан бүрхүүлтэй шахмал ба цагаан өнгөтэй бөөрөнхий хэлбэртэй бичил мөхлөг агуулна.

[Үр нөлөө ба үйлдэл]

Питавастатины 2мг тунгийн дан эмчилгээгээр БНЛП-ны түвшинтохиромжтой хянагддаг боловч триглицеридийн түвшин өндөр ба ИНЛП-холестеролын түвшин бага, зүрхний цус хомсрох өвчний өндөр эрсдэлтэй насанд хүрэгсдийн хавсарсан дислипидемийн эмчилгээнд хэрэглэнэ.

[Хэрэглээ ба Тун]

Уг бэлдмэлийг хэрэглэхээс өмнө креатинкиназын (КК) түвшинг хэмжих хэрэгтэй. Уг бэлдмэлийг хэрэглэсний улмаасКК-ын түвшин ихэссэн эсэхийг тодорхойлохын тулд суурь үзүүлэлтийг лавлагаа үзүүлэлт болгон ашиглаж болно.

Идэвхтэй дасгал хөдөлгөөн хийсний дараа эсвэл КК-ын түвшинг ихэсгэдэг бусад хүчин зүйл байгаа үед үр дүнг тайлбарлахад төвөгтэй байдаг тул КК-ын түвшинг хэмждэггүй. Хэрэв КК-ын түвшин илэрхий ихсэх буюу суурь үзүүлэлтийн хэвийн хэмжээний дээд хязгаараас 5 дахинаас дээш ихэсвэл үр дүнг баталгаажуулахын тулд 5-7 өдрийн дараа дахин хэмжих хэрэгтэй. Хэрэв уг үр дүн батлагдвал уг бэлдмэлийн эмчилгээг эхэлж болохгүй.

Бэлдмэлийг хэрэглэсний дараа КК-ын түвшинг эхний 12 сарын хугацаанд 3 сар тутамд тасралтгүй хянах ба цаашид үе үе хянана.

Уг бэлдмэлийн эмчилгээг эхлэх эсвэл статины бүлгийн эмийн тунг ихэсгэсэн эмчлүүлэгчид булчингийн эмгэг үүсэх эрсдэлийн талаар мэдээлэх хэрэгтэй бөгөөд уг бэлдмэлийг хэрэглэх үед нарийн тайлбарлах боломжгүй булчингийн өвдөлт, чангарч өвдөх, булчин сульдал,булчингийн агчил илэрвэл эмчлүүлэгчид уг эмчилгээнийхээ талаар эмчтэйгээ яаралтай ярилцахыг зөвлөдөг. Ихэвчлэн эдгээр тохиолдолд КК-ын түвшинг хэмжих хэрэгтэй бөгөөд хэрэв КК-ын түвшин илэрхий ихэссэн байвал (хэвийн хэмжээний дээд хязгаараас 5 дахинаас их) уг бэлдмэлийг хэрэглэхээ зогсооно. Эмчилгээг зогсоох шийдвэрийг булчингийн шинж тэмдгийн хүндийн зэрэг эсвэл КК-ын түвшнөөс үл хамааран илэрч буй өдөр тутмын амьдралд төвөгтэй байдал үүсэж байгаа зэргийг харгалзан гаргана. Удамшлын шалтгаантай булчингийн эмгэгтэй гэж сэжиглэж байгаа эмчлүүлэгчид уг бэлдмэлийг дахин хэрэглэж болохгүй.

Трансаминазын түвшинг (АЛТ, АСТ) уг бэлдмэлийг хэрэглэхээс өмнө хянах бахэрэглэсний дараа эхний 12 сарын хугацаанд 3 сар тутамд, цаашид үе үе хянах хэрэгтэй.

Трансаминазын түвшин ихэссэн эмчлүүлэгчид болгоомжлох хэрэгтэй бахэрэв АСТ эсвэл ГСОТ, АЛТ эсвэл ГСПТ-ын түвшин хэвийн хэмжээний дээд түвшнөөс 3 дахинаас ихэссэн бол уг бэлдмэлийн эмчилгээг зогсооно.

Уг бэлдмэлийг хэрэглэсний дараа эхний 12 сарын хугацаанд системийн үнэлгээ хийх зорилгоор креатининий клиренсийг3 сар тутамд болон үүний дараа үе үе хэмжиж хянах хэрэгтэй. Креатининий түвшин хэвийн хэмжээний дээд хязгаараас 50%-с их болсон бол уг бэлдмэлийн эмчилгээг зогсооно.

Хянагддаггүй 2 хэв шинжийн чихрийн шижин,бамбай булчирхайн үйл ажиллагаа буурах, нефроз хам шинж, диспротеинеми,элэгний бөглөрөлт өвчин,архинд донтох эмгэг зэрэг гиперлипидемийн хоёрдогч хүчин зүйлүүдийг уг бэлдмэлийг хэрэглэхээс өмнө эмчлэх нь зүйтэй. Эмчилгээг эхлэхээс өмнө эмчлүүлэгчид холестерин бууруулах стандарт хоолны дэглэмийг эхлэх ба түүнийг эмчилгээний үед үргэлжлүүлнэ.

Зөвлөж буй тун нь 1 бүрээсээр хоолны дараа хоногт 1 удаа хэрэглэнэ.

Эмчилгээний үр дүнг тодорхойлохын тулд цусан дахь липидийн түвшинг (нийт холестерин (НХ), БНЛП-Х, триглицерид (ТГ)) ажиглах хэрэгтэй.

Өмнөх дан эмийн хавсарсан хэрэглээтэй харьцуулах үед уг эмийн биоэквивалент чанар нь тогтоогдоогүй ба питавастатин болон фенофибратыг хамт хэрэглэж байгаа эмчлүүлэгчийг уг бэлдмэлийн эмчилгээнд шилжүүлж болохгүй.

Бөөрний дутагдалтай эмчлүүлэгч: бөөрний түүдгэнцрийн фильтрацийн хурд (ТФХ) нь 60мл/мин/1.73м2-аас бага гэж тооцсон бөөрний дунд зэргийн болон хүнд явцтай дутагдалтай эмчлүүлэгчид уг бэлдмэлийг хэрэглэхгүй.

Хэрэглэх үеийн болгоомжлол

1. Анхааруулга

Фибрат суурьтай эсвэл статин суурьтай цусан дахь липидийн түвшинг бууруулах эмийг хэрэглэх үедбөөрний дутагдалтай эсвэл бөөрний дутагдалгүй рабдомиолиз зэрэг ховор тохиолдлыг оруулаад яс булчинг хордуулах нөлөө бүртгэгдсэн байна.

Статин суурьтай эсвэл фибрат суурьтай эмийн улмаасбулчингийн эмгэг үүсэх эрсдэл нь идэвхтэй бодис тус бүрийн тун болон фибрат-суурьтай эмийн шинж чанараас хамаардаг.

Рабдомиолиз нь эмчилгээний аль ч үед тохиолдож болох араг ясны булчингийн эдийн цочмог явцтай амь насанд аюултай байдал бөгөөд ихэвчлэн миоглобинури үүсгэдэг КК-ын түвшингийн ихсэлттэй (хэвийн хэмжээний дээд хязгаараасихэвчлэн 30 эсвэл 40 дахин) холбоотой булчингийн их хэмжээний задрал хэлбэрээр илэрдэг. Ихэвчлэн фибрат – суурьтай эм болон статин суурьтай эмийг хамт хэрэглэж байгаа үед булчин хордуулах уг эрсдэл нэмэгдэж болно. Иймээс уг эмийн эмчилгээг эхлэхээс өмнө эмчилгээний ашиг тус ба эрсдэлийг сайтар үнэлэх хэрэгтэй бөгөөд булчин хордуулах ямар нэгэн шинж илэрвэл эмчлүүлэгчийг хянах хэрэгтэй.

Булчингийн эмгэгийг нарийн тайлбарлах боломжгүй булчингийн өвдөлт, чангарч өвдөх, булчин сульдал,булчингийн агчил илэрсэн бүх эмчлүүлэгчид анхаарах хэрэгтэй бөгөөд илэрсэн тохиолдолд КК-ын түвшинг хэмжих хэрэгтэй. Рабдомиолиз-д өртөмтгий эмчлүүлэгчид болгоомжлох хэрэгтэй. КК-ын түвшинг дараах доор дурьдсан хүчин зүйлүүд байгаа тохиолдолд уг бэлдмэлийг хэрэглэж эхлэхээс өмнө хэмжих хэрэгтэй.

• 65 ба түүнээс насны өндөр настан
• Эмэгтэйчүүд
• Бөөрний дутагдал
• Хянагдахгүй байгаа бамбай булчирхайн үйл ажиллагааны багасалт
• Цусан дахь альбумины түвшин багасах
• Удамшлын шалтгаантай булчингийн эмгэгийн хувь хүний болон гэр бүлийн өгүүлэмжтэй хүмүүс
• Статин суурьтай эсвэл фибрат суурьтай эм хэрэглэсний улмаас булчин хордуулах нөлөө илэрсэн өгүүлэмжтэй эмчлүүлэгч
• Архинд донтох эмгэг

1. Уг бэлдмэлийг бусад фибратууд, статинууд, ниацин, булчин хордуулах эрсдэлийг ихэсгэдэг бусад бэлдмэлтэй (6. Харилцан үйлчлэл хэсгийг үз) хамт хэрэглэх үед булчин хордуулах эрсдэл ихсэж болно. Ниацин (никотины хүчил) эсвэлниацин агуулсан бэлдмэлийг липид зохицуулах тунгаар (≥ 1г/хоног) уг бэлдмэлтэй хамт хэрэглэх үед ашиг тус ба эрсдэлийг анхааралтай үнэлэх хэрэгтэй. Ялангуяа булчингийн өвдөлтийн шинж, чангарч өвдөх, булчин сулрах зэрэг шинжийг эмчилгээний эхний сарын хугацаанд болон тунг ихэсгэх үед нарийн хянах хэрэгтэй.

• Дараах эмчлүүлэгчид бэлдмэлийг хэрэглэхийг цээрлэнэ.
• Уг бэлдмэлийн идэвхтэй бодис эсвэл бэлдмэлийн найрлага дахь бүрэлдэхүүн хэсгүүдэд хэт мэдрэгэмчлүүлэгч
• Фибрат суурьтай эм эсвэл кетопрофены эмчилгээний үедгэрлийн харшлын эсвэл гэрлийн хордуулах урвал илэрч байсан эмчлүүлэгч
• Элэгний идэвхтэй өвчинтэй эсвэл шалтгаан тодорхойгүйгээр аминотрансферазын түвшин тогтвортой ихсэх
• Цөсний хүүдийн өвчинтэй хүмүүс
• Цусан дахь триглицеридийн түвшин ноцтой ихэссэний улмаас үүссэн нойр булчирхайн цочмог үрэвслээс бусад нойр булчирхайн архаг эсвэл цочмог үрэвсэлтэй эмчлүүлэгч
• Бөөрний дунд зэргийн болон хүнд явцтай дутагдал (ТФХ < 60мл/мин/1.73м2)
• Фибратууд, статинууд, циклоспоринтой хамт хэрэглэх
• 18-аас доош насны хүүхэд
• Жирэмсэн эсвэл жирэмсэн байж болзошгүй эмэгтэй, хөхүүл эмэгтэй
• Цөсний шалтгаантай элэгний хатууралтай эмчлүүлэгч
• Булчингийн эмгэгтэй эмчлүүлэгч, статин эсвэл фибрат-суурьтай эм хэрэглэсний улмаас булчингийн эмгэг эсвэл рабдомиолиз илэрсэн өгүүлэмжтэй эмчлүүлэгч, эсвэл статин-суурьтай эмийн өмнөх эмчилгээний үед КК-ын түвшин ихэссэн (хэвийн хэмжээний дээд хязгаараас 5 дахин ихээс дээш) эмчлүүлэгч
• Уушгины завсрын эдийн үрэвсэлтэй эмчлүүлэгч
• Уг бэлдмэл лактоз агуулдаг учир түүнийг галактозын үл зохицол, Лапп лактазын дутагдал, глюкоз - галактозын шингээлтийн алдагдал зэрэг удамшлын шалтгаантай эмгэгтэй эмчлүүлэгчид хэрэглэхгүй.
• Уг бэлдмэл сахароз агуулдаг учир түүнийг фруктозын үл зохицол, глюкоз - галактозын шингээлтийн алдагдал, сахароз-изомальтазын дутагдал зэрэг удамшлын шалтгаантай эмгэгтэй эмчлүүлэгчид хэрэглэхгүй.

• Дараах эмчлүүлэгчид болгоомжтой хэрэглэнэ.
• Булчингийн эмгэг/рабдомиолизод өртөмтгий эмчлүүлэгч(1. Анхааруулга ба 5. Ерөнхий болгоомжлол хэсгийг үз)
• Элэгний дутагдал ба төстэй өгүүлэмжтэй эмчлүүлэгч
• Согтууруулах ундаа хэтрүүлэн хэрэглэдэг эмчлүүлэгч
• Бөөрний хөнгөн явцтай дутагдал (ТФХ 60-89мл/мин/1.73м2) эсвэл төстэй өгүүлэмжтэй эмчлүүлэгч
• Чихрийн шижинтэй эмчлүүлэгч
• Цусан дахь альбумины түвшин багассан эмчлүүлэгч(нефроз хам шинж)
• Цөсний хүүдийн чулууны өгүүлэмжтэй эмчлүүлэгч
• Цусны бүлэгнэлтийг саатуулагч эм хэрэглэж байгаа эмчлүүлэгч
• Бамбай булчирхайн үйл ажиллагаа багассан эмчлүүлэгч
• Өндөр настан
• Венийн судасны тромбэмболийн өгүүлэмжтэй эмчлүүлэгч

FIЕLD судалгаагаар уушгины эмболийн тохиолдлын хувьд статистикийн ач холбогдол бүхий хэмжээгээр ихэссэн (плацебо бүлэг 0,7%-той харьцуулахад фенофибратын бүлэгт 1,1% p=0.022) ба гүнийн венийн тромбозын хувьд (плацебо бүлэг 1,0% (48/4900)-той харьцуулахад фенофибратын бүлэгт 1,4% (67/4895)p=0.074) статистик ач холбогдолгүй ихэссэн. Венийн судасны тромбозынэрсдэл ихсэх нь гомоцистеины түвшин ихсэх, тромбозын эрсдэлт хүчин зүйл ба бусад тодорхойгүй хүчин зүйлтэй холбоотой байж болно. Үүний эмнэлзүйн ач холбогдол нь тодорхойгүй. Иймээс уушгины эмболийн өгүүлэмжтэй эмчлүүлэгчид болгоомжтой хэрэглэх хэрэгтэй.

12)Уг бэлдмэл нь шар өнгийн будагч бодис №5 (Жаргаж буй нарны шар FCF) агуулдаг ба уг бодист хэт мэдрэг эмчлүүлэгч эсвэл харшлын өгүүлэмжтэй эмчлүүлэгчид болгоомжтой хэрэглэх хэрэгтэй.

• Гаж нөлөө

Уг эмийн аюулгүй байдлыг хавсарсан дислипидемитэй 343 эмчлүүлэгч оролцсон питавастатины эмнэлзүйн хяналтат судалгаагаар үнэлсэн.Уг судалгаа нь8 долоо хоногийн эмчилгээ ба 16 долоо хоногийн уртасгасан эмчилгээнээс бүрдэх ба16 долоо хоногийн уртасгасан эмчилгээг 8 долоо хоногийн эмчилгээг дуусгасан 216 эмчлүүлэгчид явуулсан бөгөөд эдгээрийн БНЛП-Х ба ИНЛП-ын бус-Х-ын түвшин нь зүрх судасны өвчний эрсдэлийн дагуу эмчилгээний зорилтот үзүүлэлтэд хүрсэн байна.

• 8 долоо хоногийн эмчилгээний хугацаанд цуглуулсан гаж нөлөө.

Энэ хугацаанд хамар залгиурын үрэвсэл (1.5%), амьсгалын дээд замын халдвар (1,2%) хамгийн олонтоо бүртгэгдсэн.

Бэлдмэлтэй холбоотой гаж нөлөөнд АЛТ ихсэх 2 тохиолдол, АСТ ихсэх 2 тохиолдол, ГГТ ихсэх 1 тохиолдол, элэгний үйл ажиллагааны шинжилгээний үзүүлэлт өөрчлөгдсөн 1 тохиолдол,ходоод улаан хоолойн сөөргөөт өвчний 1 тохиолдол,дотор муухайрсан 1 тохиолдол, толгойн өвдөлтийн 1 тохиолдол орох бөгөөд эдгээр нь бүгд хөнгөн явцтай байсан.

Хүснэгт 1. 8 долоо хоногийн эмчилгээний хугацаанд дор хаяж 1% бүртгэгдсэн гаж нөлөө

Биеийн эрхтэн – өвөрмөц гаж нөлөө

Уг эмийг хэрэглэсэн бүлэг

(N=172)

Питавастатин кальцийг 2мг тунгаар хэрэглэсэн бүлэг (N=171)

Нийт хэрэглэсэн бүлэг (343)

Халдвар ба халдварт өвчин

Хамар залгиурын үрэвсэл

1

4

5 (1.5%)

Амьсгалын дээд замын халдвар

2

2

• (1.2%)

• 16 долоо хоногийн уртасгасан эмчилгээний хугацаанд цуглуулсан гаж нөлөө.

Энэ хугацаанд хамгийн олонтоо бүртгэгдсэн гаж нөлөөнд хамар залгиурын үрэвсэл (2.8%), толгой эргэх (1.9%), КФК ихсэх (1.9%), цусны даралт ихсэх (1.9%), ходоодны архаг үрэвсэл (1.4%), ходоодны улайлтат үрэвсэл (1.4%) орох бөгөөд бусад бүх гаж нөлөөний тохиолдол нь 1%-аас бага байсан.

• Өвөрмөц гаж нөлөө

Эмчилгээний үед КФК-ын түвшин уг бэлдмэлийг хэрэглэсэн бүлэгт дунджаар 35.66±116.02 IU/L-аар, питавастатин кальцийг дангаар нь хэрэглэсэн бүлэгт 11.07±83.98 IU/L-аар ихэссэн ба АСТ-ын түвшин уг бэлдмэлийг хэрэглэсэн бүлэгт дунджаар 4.54±17.93 IU/L-аар, питавастатин кальцийг дангаар нь хэрэглэсэн бүлэгт 0.47±9.42 IU/L-аар тус тус ихэссэн.

• Тогтмол тун бүхий нийлмэл найрлагатай уг бэлдмэлийн идэвхтэй бодис бүрийн нэмэлт мэдээлэл

Питавастатин кальци эсвэл фенофибрат агуулсан эмийн бэлдмэлийг хэрэглэсэнтэй холбоотой нэмэлт гаж нөлөө эмнэлзүйн болон зах зээлд гарсны дараах эмнэлзүйн судалгаагаар ажиглагдсан ба доор дурьдсан гаж нөлөө уг эмийг хэрэглэх үед илрэх магадлалтай байна. Гаж нөлөөний давтамж нь питавастатин болон фенофибратыг хэрэглэх үед илэрсэн гаж нөлөөний давтамж дээр суурилсан.

Хүснэгт 2. Питавастатин кальци ба фенофибратын дан эмчилгээний дараа илэрсэн гаж нөлөө

Биеийн эрхтэн

Гаж нөлөө (фенофибрат)

Гаж нөлөө (Питавастатин кальци)

Давтамж

Цус ба тунгалгийн системийн эмгэг

Гемоглобин багасах, лейкоцитын тоо цөөрөх

Ховор

Тромбоцит цөөрөх, гранулоцит цөөрөх, лейкоцит цөөрөх, эозинофиль олшрох, лейкоцит олшрох, глобулин ихсэх, Куумбсын сорил эерэг гарах

Ховор

Цус багадалт

Маш ховор

Дархлалын системийн эмгэг

хэт мэдрэгшлийн урвал

Ховор

Сэтгэц ба мэдрэлийн системийн эмгэг

Толгой өвдөх

Хааяа

Ядрах ба толгой эргэх

Ховор

Хөшингө болох, нойрмоглох, нойргүйдэх

Ховор

Толгой эргэх, хүндрэх, хөшинг болох, саажил, толгой эргэх

Маш ховор

Судасны эмгэг

Тромбэмболи (уушгины эмболи, гүнийн венийн тромбоз)**

Хааяа

Амьсгалын эрхтэн, цээжний хөндийн эмгэг, хаван

Уушгины завсрын эдийн үрэвсэл

Тодорхойгүй

Хоол боловсруулах замын эмгэг

Хоол боловсруулах замын зүгээс шинж тэмдэг илрэх (хэвлийн өвдөлт, дотор муухайрах, бөөлжих, суулгах, гэдэс дүүрэх)

Олонтоо

Нойр булчирхайн үрэвсэл*

Хааяа

Ам хатах, хоол боловсруулах үйл ажиллагаа хямрах,хэвлийн өвдөлт, гэдэс дүүрэх, өтгөн хатах, амны үрэвсэл, бөөлжих, хоолонд дургүй болох, хэлний үрэвсэл

Ховор

Дотор муухайрах, ходоодны зовуурь, суулгалт

Маш ховор

Элэг цөсний эмгэг

Трансаминазын түвшин ихсэх

Олонтоо

Цөсний чулуу

Хааяа

Шарлалт, цөсний чулууны хүндрэл (цөсний хүүдийн үрэвсэл, цөсний сувгийн үрэвсэл,цөсний чулууны улмаас хүчтэй өвдөх гэх мэт)

Давтамж тодорхойгүй

Билирубин ихсэх, холинэстераза ихсэх

Ховор

АСТ ихсэх, АЛТ ихсэх, ᵞ-ГТ ихсэх, ШФ ихсэх, ЛДГ ихсэх

Маш ховор

Дотоод шүүрлийн эмгэг

Альдостерон багасах, альдостерон ихсэх, адренокортикотроп даавар ихсэх, кортизол ихсэх

Ховор

Тестостерон багасах

Маш ховор

Арьс ба арьсан доорх эдийн эмгэг

Арьсны хүнд хэлбэрийн урвал (олон хэлбэрийн улайрал, Стивенс Джонсоны хам шинж эпидермийн хордлогот үхжил)

Давтамж тодорхойгүй

Арьсны хэт мэдрэгшлийн урвал (тууралт, загатнаа, чонон хөрвөс)

Хааяа

Үс унах

Ховор

Гэрэлд хэт мэдрэгших

Ховор

Яс булчин ба холбогч эдийн эмгэг

Булчингийн эмгэг (булчин өвдөх, булчингийн үрэвсэл, булчингийн агчил, булчин сулрах)

Хааяа

Бөөрний дутагдалтай эсвэл бөөрний дутагдалгүй рабдомиолиз

Ховор

Рабдомиолиз

Давтамж тодорхойгүй

Булчингийн эмгэг

Давтамж тодорхойгүй

булчингийн агчил, миоглобин ихсэх

Ховор

КФК ихсэх, булчин өвдөх,булчин сульдлын мэдрэмж

Маш ховор

Бөөр ба шээсний замын эмгэг

Шээс багасах, BUN ихсэх,ийлдсийн креатинин ихсэх

Ховор

Нөхөн үржихүйн систем ба хөхний эмгэг

Бэлгийн үйл ажиллагааны алдагдал

Хааяа

Шинжилгээ

цусан дахь гомоцистеины түвшин ихсэх ***

Байнга

Гематури ихсэх

Ховор

Бусад

Зүрх дэлсэх, ядрах, арьс өвдөх, хорсох, үений өвдөлт, хаван, нүд бүрэлзэх, гэрэлд мэдрэг болох,сонсгол буурах, далд гематури, шээсний хүчил ихсэх, ийлдсийн кали ба фосфор ихсэх, амтлах мэдрэхүй өөрчлөгдөх, шээсний өнгө эмгэгээр өөрчлөгдөх

Ховор

Гуниглах, бөөмийн эсрэг биеийн протонжуулалт

Маш ховор

Үс унах

Давтамж тодорхойгүй

Хэт мэдрэгшлийн урвал

Чонон хөрвөс

Ховор

Тууралт, загатнах

Маш ховор

Улайрал

Давтамж тодорхойгүй

Нойр булчирхайн үрэвсэл

* 2 хэв шинжийн чихрийн шижинтэй 9795 эмчлүүлэгч оролцсон санамсаргүй түүвэрлэлт, плацебо хяналтат FIELD судалгаагаар нойр булчирхайн үрэвслийн тохиолдол фенофибрат хэрэглэсэн бүлгийг плацебо бүлэгтэй харьцуулахад илэрхий ихэссэн байна (0,5%-ын эсрэг 0,8% p=0.031)

Тромбоэмболи

* FIELD судалгаагаар уушгины эмболийн тохиолдол плацебо бүлэгтэй (0.7% (32/4900эмчлүүлэгч)) харьцуулахадфенофибрат хэрэглэсэн бүлэгт 1,1% (53/4895 эмчлүүлэгч)(p=0.022) болж статистикийн ач холбогдолтой ихэссэн бол гүнийн венийн тромбозын тохиолдол плацебо бүлэгтэй (1.0% (48/4900эмчлүүлэгч)) харьцуулахадфенофибрат хэрэглэсэн бүлэгт 1,4% (67/4895 эмчлүүлэгч)(p=0.074) илэрч тус тус статистикийн ач холбогдолгүй ихэссэн байна.

Цусан дахь гомоцистеины түвшин ихсэх

***FIELD судалгаагаар фенофибрат хэрэглэсэн эмчлүүлэгчийн цусан дахь гомоцистеины түвшин дунджаар 6.5μmol/L-р ихэссэн ба фенофибратыг зогсоосны дараа эргэж хэвийн болно.

Статины бүлгийн зарим эмийг хэрэглэх үед дараах гаж нөлөө бүртгэгдсэн.

• Мэдрэл сэтгэцийн систем: Нойрны эмгэг (нойргүйдэл ба шөнө хар дарахыг оруулаад), ой тогтоолт алдагдах, сэтгэл унал
• Амьсгалын систем: ялангуяа удаан хугацаагаар хэрэглэх үед уушгины завсрын эдийн үрэвсэл зэрэг онцгой тохиолдол
• Шээс бэлгийн зам: Бэлгийн үйл ажиллагааны алдагдал
• Дотоод шүүрлийн систем: чихрийн шижин, Давтамж нь байгаа эрсдэлт хүчин зүйлээс хамаарна. (өлөн үеийн глюкоз 5.6-6.9mmol/L, БЖИ > 30кг/м2, триглицеридийн түвшин ихсэх, цусны даралт ихсэх)
• Яс булчин ба холбогч эдийн эмгэг: дархлаа хамааралт булчингийн үхжилт эмгэг

Питавастатины кальцийн дотоодын зах зээлд гарсны дараах судалгааны үр дүн

БНСУ-д дахин судлах зорилгоор 6 жилийн турш 5959 эмчлүүлэгч оролцсон эм хэрэглэсэн ажиглалт судалгааны үр дүнгээр гаж нөлөө шалтгаан үр дагаврын хамаарлаас үл хамааран 4.14% (234/5659 эмчлүүлэгч, 315 тохиолдол) илэрсэн байна.

• Уг эмтэй шалтгаан үр дагаврын хамаарлыг үгүйсгэх боломжгүй эмийн гаж нөлөөний давтамж 2.19% (124/5,659 эмчлүүлэгч, 171 тохиолдол) байсан бөгөөд дараах дарааллаар мэдээлэгдсэн: АЛТ-ийн өсөлт 0.76% (43/5,659 эмчлүүлэгч, 43 тохиолдол), гипохром цус багадалт 0.44% (25/5659эмчлүүлэгч, 25 тохиолдол), АСТ-ийн өсөлт 0.42% (24/5,659 эмчлүүлэгч, 24 тохиолдол), КФK-ийн ихсэлт 0.16% (9/5,659 эмчлүүлэгч, 9 тохиолдол), булчингийн өвдөлт 0.12% (7/5,659 эмчлүүлэгч, 7 тохиолдол).Өөрөөр мэдээлэгдсэн гаж нөлөөг эрхтэн системээр нь дараах байдлаар ангилдаг.

1. Системийн: нүүр ба гарын хаван, цочромтгой байдал
2. Мэдрэлийн систем: толгой өвдөх, толгой эргэх, бадайрах
3. Сэтгэцийн систем: нойргүйдэл, нойрны эмгэг, хоолонд дургүй болох
4. Цусны эргэлтийн систем: цусны даралт ихсэх, цээжээр зовуурь илрэх
5. Яс булчингийн систем: Астени
6. Хоол боловсруулах замын эмгэг: хэвлийн өвдөлт, хоол боловсруулах үйл ажиллагаа хямрах,ам хатах, өтгөн хатах, дотор муухайрах
7. Элэг цөсний систем: ᵞ-ГТ ихсэх,
8. Бодисын солилцоо ба тэжээлийн эмгэг: ЛДГихсэх, ШФ ихсэх
9. Арьс ба арьсны дайвар: загатнах, чонон хөрвөс
10. Цус: тромбоцитын тоо цөөрөх
11. Шээсний зам: цусан дахь креатинины түвшин ихсэх, BUN ихсэх

• Гаж нөлөөний гэнэтийн тохиолдол 0,74% (42/5659 эмчлүүлэгч, 46 тохиолдол) байсан ба эдгээрийн дотор уг эмтэй шалтгаан үр дагаврын хамаарлыг үгүйсгэх боломжгүй артерийн даралт ихсэх эмгэг 0,07% (4/5659 эмчлүүлэгч, 4 тохиолдол), бадайрах болон цээж орчим зовуурь илрэх 0.02% (1/5659 эмчлүүлэгч, 1 тохиолдол)тус тус илэрсэн.
• Бөөрний дутагдалтай эмчлүүлэгчид гаж нөлөөний тохиолдол 14,01% (44/314 эмчлүүлэгч, 62 тохиолдол)байсан ба статистикийн ач холбогдол бүхий ялгаатай илэрсэн. Эдгээрийн дүнд уг эмтэй шалтгаан үр дагаврын хамаарлыг үгүйсгэх боломжгүйгаж нөлөө 10,83% (34/314 эмчлүүлэгч, 45 тохиолдол) байсан ба гипохром цус багадалт өндөр 6.37% (20/314 эмчлүүлэгч, 20 тохиолдол) ажиглагдсан.
• Зах зээлд гарсны дараах ажиглалтын хугацаанд аяндаа мэдээлэгдсэн мэдээллээр 1 эмчлүүлэгчид рабдомиолиз бүртгэгдсэн байна.

• Ерөнхий болгоомжлол

1. Бэлдмэлийг хэрэглэхийн өмнө хоолны дэглэмийн эмчилгээг хийх хэрэгтэй ба эмчилгээний дасгал хөдөлгөөн хийх эсвэл зүрхний цус хомсрох өвчний эрсдэлт хүчин зүйлийг (цусны даралт ихсэх эмгэг, тамхи татах гэх мэт) бууруулахыг анхаарч үзэх хэрэгтэй.
2. Бэлдмэлийг хэрэглэх үед цусан дахь липидийн түвшинг тогтмол шалгах ба хэрэв 3 сарын дотор эмчилгээний үр нөлөө илрэхгүй байвал эмчилгээг зогсооно.
3. Хэрэв мэс засал хийхээр төлөвлөж байгаа бол бэлдмэлийг мэс заслаас хэдэн өдрийн өмнө түр зуур зогсооно. Эмнэлзүйн эсвэл мэс заслын ноцтой нөхцөл байдал үүссэн үед ч бэлдмэлийг түр зуур зогсоох хэрэгтэй.
4. Элэгний эмгэг

Питавастатин эсвэл фенофибрат хэрэглэж байгаа зарим эмчлүүлэгчид трансаминазын түвшин ихэссэн талаар бүртгэгдсэн байна. Эдгээрийн ихэнх нь хөнгөн явцтай байсан бөгөөд засах эмчилгээ эсвэл холбогдох арга хэмжээ авалгүйгээр хэвийн болсон байна.

Трансаминазын түвшинг уг бэлдмэлийг хэрэглэхээс өмнө, эхний жилийн турш 3 сар тутамд, цаашдаа үе үе хянах хэрэгтэй. Трансаминазын түвшин ихэссэн эмчлүүлэгчид анхаарал хандуулах хэрэгтэй бөгөөд хэрэв АСТ, ГСОТ эсвэлАЛТ СГПТ-ын түвшин хэвийн хэмжээний дээд хязгаараас 3 дахинаас дээш ихэсвэл уг бэлдмэлийг хэрэглэхээ зогсооно.

Хэрэв элэгний үрэвслийн шинж (шарлах, загатнах) илрэх ба онош лабораторийн шинжилгээгээр батлагдвал уг бэлдмэлийг хэрэглэхээ зогсооно.

Согтууруулах ундаа хэтрүүлэн хэрэглэдэг эмчлүүлэгчид бэлдмэлийг хэрэглэх үедээ болгоомжлох хэрэгтэй.

1. Нойр булчирхайн үрэвсэл

Фенофибрат хэрэглэж байгаа эмчлүүлэгчид нойр булчирхайн үрэвсэл илэрсэн талаар бүртгэгдсэн байна. Энэ ньхүнд явцтай триглицеридемитэй, нойр булчирхайн фермент ихэссэн эсвэл цөсний сувагт чулуу эсвэл цөсний тунадас үүссэн, цөсний сувгийн бөглөрөл дагалдсан эмчлүүлэгчид эмчилгээ үр дүнгүйбайсантай холбоотой үүссэн хоёрдогч үзэгдэл байж болно.

1. Бөөрний дутагдал

Уг бэлдмэлийг бөөрний дунд зэргийн болон хүнд явцтай дутагдлын үед хэрэглэхийг цээрлэнэ. ТФХ нь 60-89мл/мин/1,73м2 бөөрний хөнгөн зэргийн дутагдалтай эмчлүүлэгчид уг бэлдмэлийг болгоомжтой хэрэглэх хэрэгтэй. Фенофибратыг дангаар нь эсвэл статинтай хамт хэрэглэсэн эмчлүүлэгчид цусан дахь креатинины түр зуурын ихсэлт илэрсэн талаар мэдээлэгдсэн. Уг бэлдмэлийг удаан хугацаагаар хэрэглэж байгаа эмчлүүлэгчид цусан дахь креатинины түвшин ихсэж болох тул тогтмол хянах хэрэгтэй.

Хэрэв креатинины түвшин хэвийн хэмжээний дээд хязгаараас 50%-аас ихэсвэлуг бэлдмэлийг хэрэглэхээ зогсооно. Уг бэлдмэлийг хэрэглэсний дараа креатинины түвшингэхний 3 сарын турш, цаашдаа үе үе хэмжихийг зөвлөдөг.

1. Уушгины завсрын эдийн үрэвсэл

Заримстатин суурьтай эсвэл фибрат суурьтай эмийг хэрэглэх үедялангуяа удаан хугацааны эмчилгээний үед уушгины завсрын эдийн өвчин бүртгэгдсэн байна. Шинж тэмдэгт амьсгалахад хүндрэлтэй болох, цэргүй хуурай ханиах, биеийн ерөнхий байдал дордох (ядрах, биеийн жин багасах, халуурах) зэрэг шинж орно. Хэрэв эмчлүүлэгчийн уушгины завсрын эдийн үрэвсэл гүнзгийрч байна гэж сэжиглэвэл бэлдмэлийн эмчилгээг зогсооно.

1. Чихрийн шижин

Цусан дахь глюкозын түвшинг ихэсгэдэг статин хэрэглэж байгаа болон чихрийн шижингийн өндөр эрсдэлтэй эмчлүүлэгчид чихрийн шижингийн тохирсон эмчилгээ хийсэн үед чцусны даралт ихсэж болно.Гэвч энэ нь статиныг зогсоох шалтгаан болдоггүй. Учир нь статин хэрэглэсний улмаас судасны эрсдэл буурах ашиг тус ньуг эрсдэлээс давж гардаг. Чихрийн шижингийн эрсдэлт хүчин зүйлтэй (өлөн үеийн глюкозын түвшин 5,6-6,9 ммоль/л, БЖИ >30кг/м2, триглицеридийн түвшин ихсэх, цусны даралт ихсэх)эмчлүүлэгчид эмчилгээний удирдамжийн дагуу биохимийн болон эмнэлзүйн хяналт хийх хэрэгтэй.

1. Венийн судасны тромбоэмболи

FIELD судалгаагаар уушгины эмболийн тохиолдол плацебо бүлэгтэй (0.7%) харьцуулахадфенофибрат хэрэглэсэн бүлэгт 1,1% (p=0.022)статистикийн ач холбогдолтой хэмжээгээр ихэссэн бол гүнийн венийн тромбозын тохиолдол плацебо бүлэгтэй (1.0% (48/4900эмчлүүлэгч)) харьцуулахадфенофибрат хэрэглэсэн бүлэгт 1,4% (67/4895 эмчлүүлэгч)(p=0.074) илэрчстатистикийн ач холбогдолгүй ихэссэн байна. Венийн судасны тромбэмболийн эрсдэл ихсэх нь гомоцистеины түвшин ихсэх, тромбын эрсдэлт хүчин зүйл болон бусад тодорхойгүй хүчин зүйлтэй холбоотой байж болно. Үүний эмнэлзүйн ач холбогдол нь тодорхойгүй байна. Иймээс уушгины эмболийн өгүүлэмжтэй эмчлүүлэгчийг анхаарах хэрэгтэй.

1. Цөсний чулуу

Фенофибрат нь цөсөнд холестерол шүүрэхийг ихэсгэж цөсний чулуу үүсгэнэ. Хэрэв цөсний чулууг сэжиглэж байвал түүнийг цөсний хүүдийн шинжилгээгээр батлах ба хэрэв цөсний чулуу илэрвэл уг бэлдмэлийг хэрэглэхээ зогсооно.

1. Фенофибрат жолоо барих болон машин механизмтай ажиллах чадварт нөлөөлдөггүй. Гэвч питавастатиныг зах зээлд гаргасны дараа хааяа толгой эргэх шинж ажиглагдсан талаар мэдээлэгдсэн. Иймээс уг эмийг хэрэглэж байгаа эмчлүүлэгч жолоо барих болон машин механизмтай ажиллахдаа толгой эргэх шинж илэрч болзошгүй болохыг анхаарах хэрэгтэй.
2. Дархлаа хамааралт булчингийн үхжилт эмгэг

Статины бүлгийн эмийг хэрэглэж байгаа эсвэл зогсоосон эмчлүүлэгчид маш ховор тохиолдолд дархлаа хамааралт булчингийн үхжилт эмгэг бүртгэгдсэн.Дархлаа хамааралт булчингийн эмгэг нь эмнэлзүйн хувьд ойрын булчингийн удаан хугацааны сулрал ба ийлдсийн креатинкиназын (КК) түвшин ихсэх хэлбэрээр илрэх ба уг шинж тэмдэг нь бэлдмэлийг хэрэглэхээ зогсоосны дараа ч хадгалагддаг.

1. Цочмог хэт мэдрэгшил: анафилакси болон судасны хаван фенофибратын зах зээлд гарсны дараах гадаадын ажиглалт судалгаанд бүртгэгдсэн. Зарим тохиолдолд хэт мэдрэгшлийн урвал нь амь насанд аюултай байдаг ба эмнэлгийн яаралтай тусламж шаардагддаг. Хэрэв эмчлүүлэгчид цочмог хэт мэдрэгшлийн урвалын шинж илэрвэл уг бэлдмэлийг хэрэглэхээ зогсоох ба эмнэлгийн яаралтай тусламжид хандана.

Хэт мэдрэгшлийн хожуу урвал: фенофибратыг хэрэглэснээс хойш хэдэн өдрөөс хэдэн долоо хоногийн дараа арьсны ноцтой гаж нөлөө (DRESS хам шинжийг оруулаад) зах зээлд гарсны дараах гадаадын ажиглалт судалгаанд бүртгэгдсэн. DRESS хам шинж нь арьсны урвал (эксфолиатив дерматит)ба эозинофили, халуурах, эрхтэн системийн гэмтэл (бөөр, элэг, амьсгалын систем) зэрэг хавсарсан шинжтэй холбоотой байсан. Хэрэв арьсны ноцтой гаж нөлөөг сэжиглэж байвал уг бэлдмэлийг хэрэглэхээ зогсоох бөгөөд тохирсон эмчилгээ хийхийг анхаарах хэрэгтэй.

• Эмийн харилцан үйлчлэл

1. Питавастатин ба фенофибратын хоорондын харилцан үйлчлэл

Эрүүл сайн дурынханд питавастатиныг 2мг тунгаар болон фенофибратыг 160мг тунгаар хэрэглэсэн эмийн харилцан үйлчлэлийн судалгаагаар фенофибрат байгаа үед питавастатины Cmax,ss нь ойролцоогоор 1,3 дахин ихэссэн.

1. Питавастатины харилцан үйлчлэл
2. Циклоспорин

Питавастатин нь CYP450 ферментийн (CYP2C9 изоферментээр бага хэмжээгээр метаболизмд орно) тусламжтайгаар метаболизмд бага зэрэг ордог. Түүнийг циклоспоринтой хамт хэрэглэж болохгүй. Учир нь циклоспорины улмаас питавастатины цусан дахь түвшин ихсэх (Cmax 6.6 дахин, AUC нь 4,6 дахин), түүнчлэн бөөрний үйл ажиллагаа түргэн доройтохтой хавсарсан рабдомиолиз зэрэг ноцтой гаж нөлөө тохиолдож болно.

1. Фибрат суурьтай эм

Фибрат суурьтай эмтэй (гемфиброзил, безафибрат гэх мэт) хамт хэрэглэх үед бөөрний үйл ажиллагааны түргэн доройтолтой хавсарсан рабдомиолиз бөөрний дутагдал байгаагаас үл хамааран бүртгэгдсэн. Иймээс хамт хэрэглэх үедээ болгоомжлох хэрэгтэй бөгөөд булчингийн өвдөлт, астени, цус ба шээсэн дэх КФК, миоглобины түвшин, ийлдсийн креатинин ихсэх зэргээр бөөрний үйл ажиллагаа дордвол бэлдмэлийг хэрэглэхээ шууд зогсооно.

1. Никотины хүчил

Никотины хүчилтэй хамт хэрэглэх үед бөөрний үйл ажиллагаа түргэн дордохтой хавсарсан рабдомиолиз илэрсэн тул хамт хэрэглэх үедээ болгоомжлох хэрэгтэй бөгөөд булчингийн өвдөлт, астени, цус ба шээсэн дэх КФК, миоглобины түвшин, ийлдсийн креатинин ихсэх зэргээр бөөрний үйл ажиллагаа дордвол бэлдмэлийг хэрэглэхээ шууд зогсооно.

1. Холестирамин

Холестираминтай хамт хэрэглэж байгаа үедуг бэлдмэлийн шимэгдэлт дарангуйлагдаж болох (цусан дахь түвшин нь буурна) тул бэлдмэлийг холестираминыг хэрэглэсний дараа хангалтай хугацааны зайтай хэрэглэх нь тохиромжтой.

1. Эритромицин

Эритромицинтэй хамт хэрэглэх үедрабдомиолиз тохиолдож болох ба бөөрний үйл ажиллагааны түргэн доройтол хавсарч болно. Булчингийн өвдөлт, астени, цус ба шээсэн дэх КФК, миоглобины түвшин, ийлдсийн креатинин ихсэх зэргээр бөөрний үйл ажиллагаа дордвол бэлдмэлийг хэрэглэхээ шууд зогсооно.

1. Рифампицинтай хамт хэрэглэж байгаа үедуг бэлдмэлийн Cmax 2 дахин, AUC 1,3 дахин тус тус ихэссэн талаар мэдээлэгдсэн.

1. Фенофибратын харилцан үйлчлэл
2. ГМГ-редуктаза ферментийг дарангуйлагч

Фибрины хүчлийн уламжлал ба ГМГ-редуктаза ферментийг дарангуйлагчийг хамт хэрэглэх үед ихэнх тохиолдолд рабдомиолиз илрэх, креатинкиназын түвшин болон бөөрний цочмог дутагдлын гол шалтгаан болдог миоглобинури илэрхий ихэсдэг. ГМГ-редуктаза ферментийг дарангуйлагчтай (ловастатин) хамт хэрэглэх үед рабдомиолиз үүсэх магадлал ихэсдэг учир сайтар хянах шаардлагатай. Хэрэв боломжтой бол хамт хэрэглэхээс зайлсхийх нь тохиромжтой.

1. Ууж хэрэглэдэг цусны бүлэгнэлтийг саатуулдаг эм
2. Ууж хэрэглэдэг цусны бүлэгнэлтийг саатуулдаг эмтэй хамт болгоомжтой хэрэглэх шаардлагатай. Учир нь тэрээр кумарины төрлийн цусны бүлэгнэлтийг саатуулдаг эмийг ихэсгэж протромбины хугацааг/INR уртасгадаг. Цус алдалтын хүндрэлээс сэргийлэх зорилгоор протромбины хугацааг/INR барихын тулд цусны бүлэгнэлтийг саатуулдаг эмийн тунг бууруулах шаардлагатай. Протромбины хугацаа/INR тогтворжтол протромбины хугацааг/INR байнга хянахыг зөвлөдөг.
3. Сульфонилмочевины уламжлалын цусан дахь глюкозын түвшинг бууруулдаг эм
4. Сульфонилмочевины уламжлалын эмтэй (глибенкламид, глимепирид) хамт хэрэглэх үед гипогликеми (хүйтэн хөлс гарах, их хэмжээгээр өлсөх мэдрэмж, зүрх дэлсэх гэх мэт) бүртгэгдсэн ба иймээс хамт хэрэглэж байгаа үедцусан дахь глюкозын түвшин болон эмчлүүлэгчийн биеийн байдлыг сайтар ажиглах хэрэгтэй.
5. Шээсний хүчлийн ялгаралтыг ихэсгэдэг бэлдмэл

Фенофибрат нь шээсний хүчлийг ялгаруулах үйлдэлтэй учир шээсний хүчлийн ялгаралтыг ихэсгэдэг бэлдмэлтэй хамт хэрэглэж байгаа үедтунг хянаж зохих ёсоор тохируулах хэрэгтэй.

1. Ууж хэрэглэдэг жирэмслэлтээс хамгаалах бэлдмэл

Ууж хэрэглэдэг жирэмслэлтээс хамгаалах бэлдмэл (эстрогений бэлдмэл) нь цусан дахь липидийн хэмжээг ихэсгэдэг учир фенофибраттай хамт хэрэглэж байгаа үед эмчлэгч эмчтэйгээ зөвлөх хэрэгтэй.

1. Пергексилины малеат, МАО ферментийг саатуулагч зэрэг зэрэг элэг хордуулах эрсдэлтэй бэлдмэлийг уг эмтэй хамт хэрэглэж болохгүй.
2. Фенофибратыг эрхтэн шилжүүлэн суулгасан эмчлүүлэгчид дархлал дарангуйлах эмчилгээтэй хамт хэрэглэх үедховор тохиолдолд цусан дахь креатинины түвшин ихэссэнтэй хавсарсан эргэх шинжтэй бөөрний дутагдлын тохиолдол бүртгэгдсэн бөгөөд хэрэв лабораторийн шинжилгээгээр ямар нэгэн өөрчлөлт батлагдвал бэлдмэлийг хэрэглэхээ зогсоож бөөрний үйл ажиллагааг нарийн хянах хэрэгтэй.

1. Хоол хүнстэй харилцан үйлчлэх нь

Хоол хүнс нь фенофибратын биохүрэхүйг ихэсгэдэг учир уг бэлдмэлийг хооллох үед хэрэглэх хэрэгтэй. Иймээс уг бэлдмэлийг хоолны дараа шууд хэрэглэхийг зөвлөдөг.

• Жирэмсэн ба хөхүүл үеийн хэрэглээ

1. Жирэмсэн эмэгтэй

Уг бэлдмэл нь питавастатины кальци агуулдаг бөгөөд үүнийг жирэмсэн үед хэрэглэхийг хориглодог. Иймээс уг бэлдмэлийг жирэмсэн эмэгтэйд хэрэглэхгүй.

Питавастатины кальци

Питавастатины кальцийг жирэмсэн үед хэрэглэхийг хориглодог. Жирэмсэн эмэгтэйд аюулгүй эсэх нь тогтоогдоогүй. Питавастатины кальцийг эхэд хэрэглэхэд ургийн холестеролын нийлэгжлийн эх үүсвэр болох мевалонатын түвшинг бууруулж болно.Энэ шалтгаанаар питавастатины кальцийг жирэмслэхээр төлөвлөж байгаа эмэгтэй эсвэл жирэмсэн байж болзошгүй эмэгтэйд хэрэглэж болохгүй. Питавастатины кальцийн хэрэглээг жирэмсэн үед эсвэл жирэмсэн биш болох нь тогтоогдох хүртэл зогсооно.

Фенофибрат

Фенофибратыг жирэмсэн эмэгтэйд хэрэглэсэн хангалттай мэдээлэл байдаггүй. Жирэмсэн эсвэл жирэмсэн байж болзошгүй эмэгтэйчүүдэд хэрэглэхгүй. Учир нь жирэмсэн үед (ялангуяа эхний 3 сарын дараа) хэрэглэх үед урагт хуримтлагдаж ургийг хордуулж болно.

1. Хөхүүл эмэгтэй

Амьтанд (эм харх) хийсэн судалгаагаар фенофибрат нь хөхний сүүнд нэвтэрдэг талаар мэдээлэгдсэн. Фенофибрат, питавастатины кальци болон эсвэл тэдгээрийн метаболитууд нь хүний хөхний сүүнд нэвтэрдэг эсэх нь тодорхойгүй тул уг бэлдмэлийг хөхүүл үед хэрэглэхгүй

1. Нөхөн үржих чадвар

Уг бэлдмэлийн нөхөн үржих чадварт үзүүлэх нөлөөний талаар эмнэлзүйн мэдээлэл байдаггүй.

• Хүүхдийн хэрэглээ

Уг бэлдмэлийн үр нөлөө болон аюулгүй байдал нь хүүхдэд тогтоогдоогүй тул хэрэглэж болохгүй.

• Өндөр настны хэрэглээ

Өндөр настай хүмүүст уг бэлдмэлийн тунг зохицуулах шаардлагагүй. Гэвч уг бэлдмэлийг бөөрний үйл ажиллагаа нь багассан болон ТФХ нь 60мл/мин/1.73м2-аас бага эмчлүүлэгчид хэрэглэж болохгүй.

• Тун хэтрэлтийн эмчилгээ

Уг бэлдмэлийн антидот нь тодорхойгүй. Хэрэв уг бэлдмэлийн тун хэтэрсэн гэж сэжиглэж байгаа бол шинж тэмдгийн эмчилгээ, шаардлагатай бол тохирсон дэмжих эмчилгээ хийнэ.

Питавастатины кальци

Питавастатины тун хэтрэлтийн талаар зөвхөн батлагдаагүй тохиолдол бүртгэгдсэн байдаг ба ихэнх тохиолдолд питавастатины тун хэтрэлттэй холбоотой шинж тэмдэг тэмдэглэгдээгүй байна. Тун хэтрэлтийн өвөрмөц эмчилгээ байдаггүй бg питавастатины кальци нь цусны уурагтай холбогдох чанар өндөр тул гемодиализ шаардлагагүй байдаг.

Фенофибрат

Фенофибратын тун хэтрэлтийн талаар зөвхөн батлагдаагүй тохиолдол бүртгэгдсэн байдаг ба ихэнх тохиолдолд питавастатины тун хэтрэлттэй холбоотой шинж тэмдэг тэмдэглэгдээгүй байна. Фенофибрат нь цусны уурагтай холбогдох чанар өндөр тул тэрээр гемодиализаар гадагшилдаггүй.

• Хадгалах ба харьцахад зориулсан болгоомжлол

1. Хүүхэд хүрэхээргүй газар хадгална.
2. Бэлдмэлийг үйлдвэрийн савлагаанаас нь авсны дараа өөр саванд хадгалах нь түүнийг буруу хэрэглэхэд эсвэл чанар нь муудахад хүргэж болно. Иймээс бүх бэлдмэлийг үйлдвэрийн савлагаанд нь хадгалах хэрэгтэй.

• Бусад

Питавастатиныг нохойд уулгаж (3мг/кг/хоног тунгаар 3 сарын турш болон 1мг/кг/хоног тунгаар 12 сарын турш) хэрэглэсэн судалгаагаар нүдний болор цайх эмгэг үүссэн байна. Нүдний болор цайх нь лабораторийн бусад амьтанд (харх, сармагчин) ажиглагдаагүй байна.

• Мэргэжилтнүүдэд зориулсан мэдээлэл

1. Фармакологийн үйлдэл

Уг бэлдмэл нь питавастатины кальци болон фенофибратын мөхлөг агуулдаг.

1. Питавастатины кальци нь ГМГ-КоА редуктаза ферментийг дарангуйлагч бөгөөд холестеролын эх үүсвэр болох мевалоны хүчлийн нийлэгжилтийг саатуулан бие махбодын бага нягттай липопротеин - холестеролын үүсэлтийг (БНЛП-Х) бууруулдаг.
2. Фибриний хүчлийн уламжлалфенофибрат нь триглицеридийн түвшинг бууруулдаг бөгөөд илүү том, бага нягттай хэсгүүдэд хувиргаснаар БНЛП-ы хэсгүүдийн шинж чанарыг өөрчилдөг.
3. Фармакокинетикийн мэдээлэл

2мг питавастатины кальци болон 160мг микронжуулсан фенофибратын фармакокинетикийн харилцан үйлчлэлийг үнэлэх судалгаа хийсэн. 3х6 солбицсон судалгаагаар насанд хүрэгсдэд 5 өдрийн турш хоолны дараа давтан уулгаж хэрэглэн цусан дахь питавастатин болон фенофибриний хүчлийн түвшинг хэмжсэн үр дүнгээрпитавастатины концентрацийг харьцуулсан үнэлгээний үзүүлэлтийн (AUCτ ба Cmax,ss) логарифмын хөрвүүлэлтээр статистик дүн шинжилгээ хийх үед AUCτ-ын дундаж ялгааны 90% итгэлцлийн интерваль нь биоэквивалент чанарын суурь үзүүлэлтийн хүрээнд байсан бол Cmax,ss-ын дундаж ялгааны доод 90% итгэлцлийн интерваль нь биоэквивалент чанарын суурь үзүүлэлтийн хүрээнд байсан боловч дээд хязгаар нь суурь үзүүлэлтээс бага зэрэг их байсан. Фенофибриний хүчлийн концентрацийг харьцуулсан үнэлгээний үзүүлэлтийн (AUCτ ба Cmax,ss) логарифмын хөрвүүлэлтээр статистик дүн шинжилгээ хийх үед дундаж ялгааны 90% итгэлцлийн интерваль нь биоэквивалент чанарын суурь үзүүлэлтийн хүрээнд байсан.

2мг питавастатины кальцийн шахмал ба 160мг фенофибратын микронжуулсан бүрээсийг хамт хэрэглэх үед бэлдмэлүүдийн (2мг питавастатины кальци ба 160мг фенофибратын мөхлөг) фармакокинетикийн шинж чанарыг харьцуулах зорилгоор биофармацийн судалгаа явуулсан. 2х2 солбицсон судалгаагаар насанд хүрэгсдэд хоолны дараа 1 удаа уулгаж хэрэглэн цусан дахь питавастатин болон фенофибриний хүчлийн түвшинг хэмжсэн үр дүнгээр питавастатины концентрацийг харьцуулсан үнэлгээний үзүүлэлтийн (AUClast ба Cmax,ss) логарифмын хөрвүүлэлтээр статистик дүн шинжилгээ хийх үед AUClast -ын дундаж ялгааны 90% итгэлцлийн интерваль нь биоэквивалент чанарын суурь үзүүлэлтийн хүрээнд байсан бол Cmax,ss-ын дундаж ялгааны доод 90% итгэлцлийн интерваль нь биоэквивалент чанарын суурь үзүүлэлтийн хүрээнээс гадна байсан боловч дээд хязгаар нь суурь үзүүлэлтийн хүрээнд байсан. Фенофибриний хүчлийн концентрацийг харьцуулсан үнэлгээний үзүүлэлтийн (AUClast ба Cmax,ss) логарифмын хөрвүүлэлтээр статистик дүн шинжилгээ хийх үед дундаж ялгааны бүх 90% итгэлцлийн интерваль нь биоэквивалент чанарын суурь үзүүлэлтийн хүрээнд байсан.

1. Эмнэлзүйн судалгааны мэдээлэл

Хавсарсан дисдипидемитэй эмчлүүлэгчид уг бэлдмэлийн үр нөлөө болон аюулгүй байдлыг санамсаргүй түүвэрлэлт, давхар нууцлалтай, плацебо-хяналтат, зэрэгцээ болон эмчилгээний баталгаажуулалтын эмнэлзүйн судалгаагаар үнэлсэн. 2мг питавастатины кальцийн шахмалыг эмчлүүлэгчид хоногт 1 удаа 4 долоо хоногийн турш хэрэглэсний дараа, зохистой хянагдаагүй хавсарсан дислипидемитэй 347 эмчлүүлэгчид (судалгааны бүлэг 174, хяналтын бүлэг 173) уг бэлдмэлийг (2мг питавастатины кальцийн шахмал ба 160мг фенофибратын мөхлөг) эсвэл 2мг питавастатины кальцийн шахмалыг хэрэглэсэн.Судалж буй бэлдмэл эсвэл харьцуулагчийг хоногт 1 удаа 8 долоо хоногийн турш хэрэглэсний дараахавсарсан дислипидемид үзүүлэх шинж тэмдгийн хяналтын үр нөлөө болон аюулгүй байдлыг нь харьцуулсан үнэлсэн.

8 долоо хоногийн дараа ИНЛП-бус-Х-ын өөрчлөлтийн дундаж үзүүлэлтийн баталгаажуулсан үр дүнг суурь үзүүлэлттэй (анхдагч хувьсамтгай үр нөлөө) харьцуулахад энэ нь судалгааны бүлэгт -7.38±22.47%,хяналтын бүлэгт 5.07±21.77% байсан. Судалгааны бүлэгт өөрчлөлтийн үзүүлэлт нь хяналтын бүлгээсих байсан бөгөөд статистикийн ач холбогдолтой (p<0.0001) байсан байна.

[суурь үзүүлэлттэй харьцуулсан 8 долоо хоногийн дараах ИНЛБ-бус-Х-ы өөрчлөлт]

8 долоо хоногийн дараах өөрчлөлтийн %

Судалгааны бүлэг (N=171)

Хяналтын бүлэг (N=168)

Дундаж ± Стандарт алдаа

-7.38±22.47

5.07±21.77

Өөрчлөлтийн хоорондын ялгаа (судалгааны бүлэг – хяналтын бүлэг)

-12.45

-

95% итгэлцлийн интерваль (өөрчлөлтийн ялгаа)

(-17.18, -7.72)

-

p утга

< 0.0001

[Хадгалалт]

Тасалгааны хэмд (1-30°С)битүүмжилсэн саванд хадгална.

[Савлалтын нэгж]

30 бүрээс/хайрцаг (10 бүрээс/РТР х 3)

[Буцаах ба солих]

Уг бүтээгдэхүүн нь чанарын нарийн хяналтад орсон. Зах зээлд гарсны дараа хэрэглэх хугацаа эсвэл хүчинтэй хугацаа нь өнгөрөх эсвэл эм өөрчлөгдсөн, муудсан, бохирдсон, гэмтсэн болШударга худалдааны хорооноос нийтлүүлсэн “Хэрэглэгчийн маргаан шийдвэрлэх шалгуур”-ын дагуу эмийг худалдсан эмийн сан болон эм борлуулагчаар дамжуулан сольж, буцаан олгох боломжтой.

Энэхүү гарын авлагыг бүтээсэн өдрөөс хойш (2019 оны 4-р сарын 15) орсон өөрчлөлтийг манай вэбсайтаас эсвэл утсаар авах боломжтой.

Хүүхэд хүрэхээргүй газар хадгална.

Гаж нөлөөнөөс ангижрах өргөдөл: Солонгосын эмийн аюулгүй байдал, эрсдэлийн удирдлагын хүрээлэн (1644-6223 утсаар холбогдоно уу)

Гаж нөлөөгмэдээлэх ба багасгах хавсралт: БНСУ-ын эмийн аюулгүй байдал, эрсдэлийн удирдлагын хүрээлэн (1644-6223 утсаар холбогдоно уу)

Олгох нөхцөл: Жороор

Үйлдвэрлэгчийн хаяг:Ханлим Фармацеутикал компани, 2-27, Yeongmun-ro, Чоин-гу, Ёнгин-си, Кёнгиду

Хэрэв танд бүтээгдэхүүний талаар лавлах эсвэл асуух зүйл байвал бидэн рүү залгаж эсвэл ганцаарчилсан онлайн зөвлөгөө аваарай.

Утас: (02) 3489-6114

Вэбсайт: http://www.hanlim.com